Құрметті достар!

Сіздерге 2017 жылғы 13 сәуірде Республикалық физика-математика мектебін қолдау және дамыту мақсатында «Fizmat Endowment Fund» (Физмат Эндаумент-Фонды) Қоғамдық қорының ашылғанын хабарлауға қуаныштымын.

Fizmat Endowment Fund — бұл РФМШ түлектері, оқушылардың ата-аналары және біздің Альма-матерге жанашырлық танытатын барлық адамдардың салымдары есебінен қалыптасатын мақсатты капитал қоры. Жиналған салымдар жұмсалмай, мектептің бүкіл өмірі бойы ұрпақтан-ұрпаққа беріледі және РФМШ-ны дамыту мақсаттарына тек осыдан алынған инвестициялық кіріс пайдаланылатын болады.

Эндаумент-қорлар дәстүрлі түрде білім беру мекемелерінің бюджеттен тыс қаржыландырудың басты және тиімді құралдарының бірі болып табылады. Әлемнің жетекші университеттері мен мектептері бұл бағытта көп жылдық тәжірибеге ие және бүгінгі күні халықаралық білім беру нарығының көшбасшылары болып табылады. Бұл оқу орындарының рейтингі айтарлықтай дәрежеде эндаумент-қорына тартылған студенттер мен түлектердің, яғни «participation rate» деп аталатын, тікелей қатысуынан да байланысты екені қызықты.

Біздің қорымыз өз мақсатты капиталын қалыптастырады. Осы арқылы біз мектептің қаржылық тұрақтылығын қамтамасыз етуді, үздік педагогтарды тартуды, РФМШ-да оқуға талантты балаларға стипендиялар беруді, мектептің материалдық-техникалық базасын жақсартуды көздейміз.

Fizmat Endowment Fund өз жолының басында тұр және бізге жанашырлық танытатындардың барлығы РФМШ-ны дамытуға өз үлесін қосады деп үміттенеміз.

Берік Қаниев.
«РФМШ» НАО Директорлар кеңесінің төрағасы